202：天朗氣清的農曆二月二十九日

一早已約好朋友星期六去郊遊，雖然只是去嘉道理農場，不過也十分開心，因為之前沒有去過。

在大埔墟港鐵站乘64K巴士很快便到，我在途中還用了九巴出的iPhone app，真係好準，架車到站GPS也跟着走，落車提示都準，係一個幾好用的free app。

入到去見到有很多小朋友同家長，真係好似一個兒童天地或者小學春季旅行，重有一些賣有機蔬果的攤當，好似去咗另一個世界。

由於我們遲入去的關係，那裡五時關門，我們只有個多小時遊玩，於是大家便爭取時間狂影相，那裡有很多耕種中的蔬果及植物，好多都冇見過，重有蘭花溫室，那些蘭花姿態優雅，色澤鮮明但低調，我都想在家種一小盤。

行完之後就去了禾輋邨陳根記排擋，六時未夠就到了，只見到員工在頭圍用膳，未有客人，我們真早！有個阿哥話六點三就可點菜，我們就先坐下。

我們點了芥辣手撕雞、冬陰公浸大蜆、蟹肉扒什菇、酥炸白飯魚及魚湯浸豆卜，全部都好好味！真係好好味！芥辣手撕雞開胃，冬陰公浸大蜆好有泰國風味，撈白飯勁正！

七點幾就食完，跟住去行新城市廣埸，數年沒來真的提升了很多，有Coach, Burberry black and blue, westwood等名店，有間koyo jeans賣黑調型衫，好靚但唔平，遲些減價我一定幫襯！

跟住行了過去Home Square, 很多舖頭，但已關門，我就去行宜家家居，都有好多新產品。行完返去新城市，臨走都給我見到Uniqlo，又買到嘢！明明件衫擺出嚟冇哂細碼，我就問個店員，她很殷勤殷，幫我叫倉同事查，之後自己入埋去，終於搵到一件，那刻很開心，很有客人被尊重的感覺！

搭89回家，過了完滿的一天！