203：好抵食的好時沙嗲

今晚去了尖東好時沙嗲吃晚飯，上次去應該是起碼五年前中學同學聚會。

四人點了咖喱叻沙、炒通菜、加多加多（沙嗲沙律）、海南雞飯及串燒，全部都好好味！不過串燒似番燒，所以比較硬。

餐飯$194埋單，勁抵！物超所值！

綿羊G電咗個髮幾好睇，佢話自己近排食得太多yogurt肥咗，又好似塊面真係肥咗，哈哈！

去食嘢前行新港，Underground有件啡金色龜背背心千四六折，好靚，不過折咗都六舊，都唔平，加上應該剩係襯深色牛仔褲先好睇，收藏又大件唔方便，出街著熱又要拎住放唔到入袋，所以都係唔買，成功戰勝購物慾！

食完飯魔鬼茶俾驚喜我哋，一人一枝Godiva Lollipop，我都係今日先識波板糖╱棒棒糖英文原來係敢，哈哈。那個復活蛋朱古力棒棒糖很美很得意，不過遲些要吃了。

因為佢哋唔想食肥嘢，所以去咗恭和堂食龜苓膏，金馬倫理道那間，裡面光猛坐得舒服，唔想走呀！

呢排過得好快樂，感受到生活應該係點，我人生因工作而構成最辛苦的時間終於過去，值得高興！

我好快樂！