175: 顯微鏡下看世界，任誰都難合格。

"顯微鏡下看世界，任誰都難合格。"

這句說話是從近日周慧敏與倪震分手, 由周慧敏發出之聲明節錄出來的.

人, 有時就是用顯微鏡看東西看其他人, 所有肉眼中微不足道甚至根本不能看見的微生物細菌都會被放大成為像恐龍高樓大廈般的龐然巨物, 篤眼篤鼻, 心情頓時由正變負.

但他們看自己的時候, 就會架起一副有型有款黑漆漆的墨鏡, 看來好functional, 實質乜都睇唔到, 前面條恐龍以為係隻貓, 高樓大廈以為係屋仔, 東西都是圓的. 明明係負都變正.

一副普通眼鏡或者肉眼其實已經可以將一個人要看的東西看得一清二楚, 一些明顯到係人都看得見的東西就不用特地像發現新大陸般驚嘆, 一些微少到不屑一看的東西亦不用特地像大揭秘如數家珍般張揚.

不求明察秋毫, 只想分清黑白.

174: 陰天假期

這一刻正在聽衛蘭的一首歌: 陰天假期.

陰天假期, 聽落不是一樣好的東西, 理想嘅假期應該天氣放睛跟住出去玩, 做想做嘅嘢, 越少限制為好.

陰天假期, 其實都可以係一個思考嘅日子, 陰天可以令人無原因地變得多愁善感, 思興大發, 諗理想, 諗退休, 諗發達, 又諗吓生活, 諗關係, 諗亂去諗嘢, 當然唔好諗諗吓鑽牛角尖諗埋一邊啦.

陰天假期, 也不一定是陰天假期, 內心充實, 心中放睛.

173: 人情味

今日同一班同事講開人情味這個話題, 大家都覺得係某些利己但不損人的事項上, 應該可以不一定依循正常程序去做而有一些彈性, 這種彈性就係所謂嘅人情味.

不過人情味三個字其實可圈可點, 而且唔可以隨便用, 更加唔可以濫用, 所以要判斷一下可否用及怎樣用.

可能就係人懶去做這個判斷, 又可能係人判斷咗之後有原因唔用人情味, 更加有可能係人之前用人情味但LAI咗嘢, 所以人情味呢樣嘢其實唔容易.

有時既然是利己但不損人, 有一點人情味其實也沒有什麼問題, 我想.