201: 睡極都唔夠

近排工作沒有那麼忙，照計是多了時間睡覺，但不知為何常常都是這麼累，真係極不願起床。

其實可能都是自己心野，有時間睡又不睡，喺度上網同執吓呢樣執吓嗰樣，攪完可能已經一兩點。

雖然睡極都不夠，我仍然比一二月時精神好，很大程度是因為見岸，少了很多顧慮，可以全心全意在三月拼，莫非真係要咁先可以有這種如釋重負的心情？這再次印證凡事不用太認真，世界上冇話邊個冇咗邊個會唔得嘅。

睇開睇化睇淡睇輕一點，令自己更輕鬆平和冷靜鎮定，一定有新的念頭可以想出來。死做爛做不去放鬆，只是末路一條，唔開心都冇人可憐，人哋只會話呢個人好似隻牛，剩係識做，毫無怨言，不懂說不，任人魚肉，溝通不濟，做唔到又唔出聲求救，倒頭來冇人諗你已經不計較地付出了很多很多。

所以，我一定以此為鑑，開心來開心去，不帶走一片遺憾。

200: 最忙的已過

自從最後一隻負責的上市公司公佈了業績，整個人都輕鬆得多，加上已經做了決定，人就更無壓力。

諗深一層，壓力某程度上係自己俾自己，越對自己要求高，對自己越辛苦，我自問不是完美主義，但也有一定的要求。

看了「黑天鵝」後感覺更深，越追求卓越，越會被無形的東西蒙蔽，因此而患上精神病更加唔值得。

可能搵份人工低一點的工作，會比一份高薪但攪到無乜生活的工作好。越無時間，越要多花時間金錢彌補及護理，到頭來落袋的應該差唔幾，那又何必戀棧虛數呢？

一定要有時間，才可以静下有清晰的空間去想。

199：笑看風雲

小巴司機正播着秋官的笑看風雲。

數個禮拜來的趕趕趕傾傾傾片片片，應該快會過去，我錯過了很多：睇王菲遲到錯過了開場的幾首歌，冇得同人睇黑天鵝，冇得在正常時間返到工，唔夠訓開會遲到，明明有人卻未能善用他們，順得哥情失嫂意。

但，我得到了很多：得到朋友的諒解，得到同事的關心支持，得到在會中能夠幫到幾個同事的快慰，得到別人的主動合作，得到家人無聲但無限的支持，我真的很高興得到這些。

快完結了，希望順順利利，平平安安，一笑，看風雲過。