193：7:20am起床

點解禁早起身？在隻蚊喺耳邊飛吓飛吓，攪到醒咗，仲係好清醒訓唔返嗰隻，還感覺到兩隻耳仔勁痕，原來隻蚊同我咬耳仔！專咬埋d無肉地嘅地方，前幾日咬額頭，而家咬耳仔，令人O晒咀！

今日早咗返工，工作更有效率，但係今晚返到屋企仍然要繼續，但係而家飯氣攻心。

到站落車了，回到家沖個靚涼再戰工作！

192: 自己呃自己

人有時會鍾意自己呃自己，明明唔想做又話想做，都唔知為乜。

不過人越大，有時有些東西唔係你話唔想做就可以唔做，有其他嘢需要考慮，這些東西就會影響到最後的選擇，亦有可能需要好多時間才可抉擇。究竟係我唸得太多還是事實如此？我應該大膽點，豁出去，才不致受這個問題影響到日常生活和工作。

記得志雲大師訪問阿嬌，阿嬌解釋自己點解成日黑臉，就是因為常常想起她以前的好天真好傻，成日觸動到條刺。我那些雖然唔係佢那些好天真好儍的事，但係一去想就因未能解決而唔開心。強顏歡笑我尚可做到，可以攞視帝𠻹，不過這又何必呢，我覺得唔需要，成日內裏不一遲早精神病。

唸清楚自己想行條乜嘢路，相信自己的判斷，相信自己的能力，相信自己的眼光，才會成為真正熱愛演戲的視帝。

191: 不要氣餒

近來真是很忙，都唔知乜得嚟禁多嘢做，又要做planning，又要做IPO，又要做xx基，為何應該很閒的時間有那麼多的東西湧出來？

我發覺我一定要先完成一些可以用一點時間便可完成的事情，才可以完成一些比較花時間完成的事。不過我有時放假又鍾意訓，攪到有些東西想做又唔夠時間做，攪到發自己脾氣，唸唸吓都幾無謂。

繼續努力，不要氣餒，以前做到的，現在都可以做到，以前捱過的，現在為什麼不能捱過？加油！