172: 蔘蜜

蔘蜜

心蜜

心密

深密

171: Milk

宜家好多人見到奶類製品到唔敢食太多, 甚至敬而遠之唔食唔飲.

其實只要唔食到超標都唔會對健康造成好大影響, 冇人叫你一日裡面食幾十粒朱古力嘛.

小朋友同孕婦就真係唔好食太多, 始終如果個BB有咩事都於事無補, 但係普通正常冇病既人就唔好太敏感, 見到奶類製品好似見鬼一樣.

食, 始終係一種享受, 咖啡, 奶茶, 朱古力, 奶油多, 雞蛋仔......好多好多用奶做既美食, 食少少都唔會超標既, 放心食先!

170: Wonder Miriam

其實想寫楊千嬅都想咗一排, 不過唔用中文寫個感覺一定好怪, 所以打得慢一點都要寫.

聽完呢張碟, 覺得千嬅既高音都不過不失, 算唱得好好架啦, 尤其係"一葉舟"這首歌, 唱得比以前自然, 亦好有感情, 林夕既詞更加係首歌既意境靈魂所在, "誰能甚麼也有, 又怕太早想通想透, 連抱擁都形同木偶"這句充分反映咗人某程度上唔好去不息地強求某些事物, 而可以好似一葉舟, 沿河隨風向心中的大海堅強地載沉, 又再浮, 前往.

不過如果你叫千嬅跳勁舞唱快歌, 都應該會係得啖笑.

鍾愛千嬅主要唔係因為佢既歌, 唔係佢做戲好笑, 亦都唔係佢夠喪, 而係佢份人既感覺好真, 好實在, 談吐可以好無厘頭亦可以好大體, 最鍾意佢係叱吒頒獎禮講得獎感受, 可能有部份係預先準備既台詞, 但係成個過程好揮灑自如, 有些位好觸動到觀眾, 佢呢樣嘢好值得黑貓借鏡.

以下係部份黑貓記得千嬅既說話:

- 人嬴係嬴自己, 輸都係輸自己

- 喜愛, 係冇得要求既, 只可以嘗試爭取, 但係最大既滿足感係盡情投入, 讓人們喜愛自己

- 嬴, 真係好難, 嬴到, 真係值得開心, 但係, 真係既贏, 係要輸得起.

共勉之~

169: Hocc Live in Unity 2006

就係在黃色暴雨那天, 無聊在信和逛逛, 其實都係想行下, 冇特別嘢要買.

入咗舖頭仔, 都係齋睇, 到臨走轉身嗰下, 眼利的黑貓突然瞄到何CC2006演唱會DVD賣$75, 係全新未拆過既, 仲要$75價錢招紙蓋住另一張$89既招紙, 無得傾, 即買!

黑貓果陣都有睇呢個演唱會, 阿詩好似上身一樣, 演唱得超棒, 好好氣氛~

黑貓仲一齊唱住, 仲好多首都識唱, 冇唱出聲都係心跟住唱, 好享受.

黑貓相信佢無論過咗幾多次生日, 呢一份睇演唱會既投入感都係唔會變既, 因為呢樣感覺係一種享受, 享受係應該將人為既障礙減到最低!