195：我發夢

發夢這東西耐不耐都會有，但今早的很特別。

一如以往，由於是星期一的關係，天氣又冷（9.7度），想鬧鐘響即起床基本上是沒可能。訓番便發了一串夢。

首先是關心妍在日間準備去紅館頒獎禮，佢着咗黑色長袖貼身衣和貼身褲，黑色超高高錚鞋，外披一件草綠毛毛背心，那些毛毛像一條條草一樣，再穿了一條草綠毛毛裙，前面短後面有些拖地。佢保母車在紅隧囗停了車，她便獨自在馬路行貓步似的一步一步行去紅館，而紅館卻在馬路旁，但入囗是順利健康院的入囗，有好多記者等。

跟住又夢見另一個關心研，她是假關心研，整哂頭但穿白T恤，上保母車又裝香，下車後會變成剛才那個草綠關心妍，搞笑是佢落車時保母車對車尾車門好大會遮住佢，佢助手會放個香爐喺地下，佢就好快噉拜三下裝香，車門關前佢就將香爐全部東西收到草叢，然後關車門從容地接受記者訪問。

另外，又夢見商業電台一個電視廣告，話黃耀明出咗一大碟專輯，個唱片封套好大，好似一張學校寫字枱般大，另外佢又同胡楓修哥一齊開音樂會，成件事無厘頭。

得閒發吓呢d夢都幾搞鬼，得啖笑，但又會滲透出一些自己有時會不經意想過的瑣事，無聊但感覺良好。

194: K11 Another Sales 的路不拾遺

很欣賞K11 Another Sales 的路不拾遺。

事緣昨晚於K11另一舖頭買了一份hand cream 作為媽咪的生日禮物，購物包裝袋小小的就同公事包一齊挽住，並沒有將那小小的一袋放入公事包裡。

之後去Another，睇咗件褸，於是將所有手上的東西放在地上，唔啱冇買就拎返地下的東西離去，拿了公事包，就是忘記了那一小袋的禮物。

之後一路都冇醒起，就回家了，到屋企樓下才乍然醒起遺了袋東西在那裡，於是就問電話公司打返去間Another問，點知個電話係錯嘅，即刻衝口而出：超---錯------!

心唸都可能俾店內其他客人或職員攞咗，邊有人禁好心，聽日去買過算把啦！但又好心心不忿，因為exactly同一樣嘢做兩次真的非常不爽，所以就決定明天去返間舖頭問吓。

「唔好意思，我想問吓你哋有冇拾到一袋xxx的hand cream?我漏低咗喺度。」「有呀！是否昨晚？你等一陣。」那一刻真的喜出望外，我唔該哂咗個Sales好多次。

這次慶幸自己堅持，唔返去問過唔心惜，萬分感謝K11 Another的職員，我會更加支持你們的設計！