186: 兼顧

我可以在一範疇內兼顧幾樣事物, 但我唔可以兼顧幾個範疇.

簡單說, 在工作這一範疇內, 我可以兼顧數個同時進行的項目, 但當我好專注於工作時, 我唔可以分神於投資, 愛情, 遊玩等. 應該話, 其實都可以去投資, 愛情, 遊玩, 不過唔會做得好滿意.

譬如當我同朋友講, 我對一個人有了好感, 佢地會為我高興, 但過一段時間佢地問我點呀同那個人點呀, 我會答都係敢, 因為係其間往往會有其他東西攪緊, 比如工作好多時間心機要花, 或者呢排成日去睇樓, 那我就沒有時間和心情去諗吓同那個人怎樣. 朋友可能會覺得我敷衍他們或覺得我有所隱瞞, 但我真係冇.

如果俾人誤會, 我係會好怒, 因為我不喜歡我明明應該係A但被認定不是A的感覺, 不過同時, 我都會檢討自己, 是否自己的行為給了人你不是A的印象.

時間唔會等人, 所以我諗我都錯過咗幾多機會, 要狠一點去取捨了.