210: 連番幸運合作多謝

昨天實在是一個好日，事情得心應手。

首先有一個項目的底稿昨天是歸檔最後日期，但second partner還未簽名批准出具報告，是不可以歸檔的，但不歸檔我又會犯規，很煩惱。我一大清早就把東西給了她，她又說忙沒時間看我的底稿，又黑面又話我好這樣遲才給她看。本身我都諗住遲一兩天去歸檔及叫老闆簽張紙話遲咗就算，但始終都唔係幾好，越近五點半就越煩，因為佢仲未將東西還給我去歸檔。誰知五點半她就打來叫我上去，笑哂敢，唔知乜事，一路吹水一路IQ，仲問我我哋組多人走的事，原來想八嘢，唔怪得知啦，哈哈！

同佢吹完水差不多六點，心想Filing room已關門，都是要老闆簽張嘢遲歸檔了，但是又不甘心這樣犯規，上了去三十九樓，Filing room未閂門！仲有個filing哥哥係度，我同佢講我隻嘢今日到期，我可否即刻上來你幫我搞歸檔，佢話好，佢六點半先放工。太好太幸運了！我即刻將所有嘢拿上去，順利完成！！

這次完全體現到天時地利人和，如果阿姐唔叫我上去IQ，我拿不到她簽名；如果同佢再吹耐點，filing room會閂門；如果filing room閂了，我便無法於最後關頭完成；如果filing哥哥寸唔幫我，我便會犯規。

都係一句：好好彩！多謝！