206：人生第一支香水

一直以來都唔覺得自己同香水會扯得上關係，因為一陣味敢好怪，同好似冇乜必要用香水。

點解無啦啦又想到？導火線係近排去旅行，在曼谷機場太多時間等上機，周圍行有好多免稅店，就無聊試吓噴吓，發現有很多種香水，有濃有淡唔使講，有些好快就冇味，有些洗幾次手後都仲有味，有些噴咗落隻手後即時聞同隔五分鐘後聞又有更特別或深層的味，花多眼亂。

其中有兩隻味都適合，但計返港幣差不多六百元，又唔知香港買會唔會便宜點，所以就冇買。

當時試咗其中一隻幾好，搭完程機返到香港落機仲有淡淡幽香，返到香港都有去再試噴。

有一天食完午飯去了金鐘莎莎試，真係便宜些，四百六十幾，但覺得隻味香過之前在曼谷機場試，原來！個售貨員俾咗同一隻名但係女裝我試！點解我會知？因為我之後上去該牌子官方網頁看，莎莎那個香水瓶包裝是女版，曼谷機場也用了女版樽，不過裡面裝的是男版的香水，買香水原來可以是這樣複雜！

確定了男版的告香水瓶包裝及香味後，當晚再去廣東道，先去免稅店，四百七十幾，都可以，拿起男版樽再試，香味是男版的。然後去品牌專門店，冇貨，但價錢七百三，很貴呢！又去卓悅、莎莎、Colourmix，冇男裝賣！「算吧，遲些再買。」站在新港中心對面的Armani，正當想離去，見到新港二樓有莎莎，「上去睇埋先。」一入去，就見到，有男版！那間莎莎較少人，裡面有個男售貨員，黑衫黑褲，個頭幾型，站在香水櫃前，應該是主力銷售香水。我先試咗想買嗰款，正確，重要係內外都是男版！四百三十八，即買！跟住問佢同牌子另一款邊隻較淡，佢話我要買嗰隻。好，再在店內無目的地遊，拿着手上想買的，再諗清楚買唔買，突然那個售貨員又出現在我面前，拿着另一隻牌子的香水，唔知乜牌子，說他手上那款仲淡味，「我都係要番呢隻，唔該哂。」接着就去付款了。

凡事的第一次確是特別，2011年5月11日19：59，要在這裡把它記住。