205: 我的時間

今天是星期六，極不情願爬起身返公司做一件不想做的事，我諗我其實未完全做完，而家出去剪個型髮先。

坐巴士中，好耐冇搭過619，好舒服，我喜歡搭巴士多過搭地鐵，搭地鐵好嘈，只是為快，搭巴士都唔靜，但塞住對耳聽歌就仿佛是自己的天地，自己的一個空間，望吓街上的事物和百態，感覺很實在，唔似喺地底剩係見到成車人，高談闊論，低着頭篤電話，或者喺度發癲。

有個着到好MK的𡃁仔俾差佬查身份證，3大賣白iPhone廣告，有人好悠閒食迴轉壽司，有個靚C9天陰陰重戴副大超，食環署員工好努力掃街上的落葉，有個黑黑實實的靚仔，有隻黑身白翅膀的雀仔，有好多風帆在東區走廊的海上。

香港真美！