204：得到上司認同的感覺很棒！

今天（星期一）極不願返工，星期二又放假，都 唔知做到d乜，但點知整個下午都搞緊兩隻ipo的東西，真係死唔斷氣。

放工時間加假期，又做哂佢d嘢，就去同佢報告一下加傾吓其他嘢，傾吓傾吓，我問佢這壇嘢會幾時上到市，因為我都要有個底線，佢講咗俾我聽，順勢又吹吓水，佢問我想做乜，有乜要求。大家都好客氣，我又多謝佢又同佢講有時令佢勞氣唔好意思，有時佢見我太多嘢要顧佢又主動參與，其實我真係好感激佢，雖然佢真係好chur，好凶，好多其他經理話佢對我態度差，話佢當我哋成班人係做嘢機器，但佢有料有方向有心地，我好服佢，好尊重呢個人，因為佢真係對事，我唔驚面對佢，做錯咪俾佢鬧吓，佢唔會記住好耐，唔會單打，唔會小題大做琺雞蛋。可能佢背後有篤我，但至少佢冇那種陰險及假惺惺的感覺，我相信我的感覺。

佢又話我幫了他很多，剩係呢句已經夠，因為我覺得佢認同我付出的心血，我自問真係好俾心機，因為我buy佢嘅做事方法，佢會令你知佢緊張邊個位，令你有方向，其他嘢佢真係信任你，唔會令你無所適從，我真係獲益良多，我好感動佢這樣講我。

佢重叫我俾資料佢，雖然佢可能都係放埋一邊唔記得，但我永遠都會記住他的做事方式及技巧，一定會有用！