181: "勁散熱王"

復活節假去咗九龍灣Megabox電腦展, 用$430買咗個250GB嘅外置硬碟, 送咗一些DVD-R同DVD-RW, 其實都冇概念這價錢係咪比出面便宜, 只是覺得OK及有需要就買.

買嚟做乜?之前部電腦無啦啦壞到機都開唔到, 乜文件, 相, 歌都冇曬, 好down, 所以一定要定期back-up, 如果唔係回憶會唔見好多, 而且無啦啦冇曬D重要嘢個感覺勁差勁無奈.

唔買唔知, 原來外置硬碟有好多牌子, 價錢亦可以差好遠, 依會場觀察所見, 日本牌價最貴, 韓國牌子夠便宜, 我那個牌子是imation, 之前用過佢嘅CD-R同USB手指到幾好, 同埋我那款賣點係"勁散熱王", 我唸都啱, 買膠外殼怕佢太熱會熔, 買薄金屬殼好型但唔襟跌, "勁散熱王"係比較厚金屬, 睇落硬淨襟跌, 屬於實幹型(哈哈~), 而且我係用嚟做back-up, 買個唔掂嘅返去等於冇買, 仲要又唔見曬D嘢, 絕對不可!!!

"勁散熱王"真係物如其名, 插咗部電腦幾個鐘連暖溫都冇, 掂!!!